Рубрики

Новость часа

Зульфия ХIажиева

Автор Зульфия ХIажиева

Февраль 05, 2015
Имам Шамилил музеялъул экспонатал

Имам Шамиль хваралдаса 144 сон тIубаялда бан Шамилхъалаялда арбагI къоялда тIобитIана хасаб данделъи. Гьеб хIужжаялда хурхун Генусса гьенибе щвезарун рукIун руго имам Шамилил музеялдаса цо-цо экспонатал.
Февраль 03, 2015
Унсоколо мухъалъул центр - Шамилхъала

ЦIияб соналдаса хадуб Унсоколо мухъалъул администрация гочана Шамилхъалаялде. ХутIарал идараби Унсоколого хутIун руго. Цере «ЧIикIабГЭСстроялъухъ» рукIун, гьанже чIорого хутIарал минабахъе рахъинаризе руго гьел. ГьабсагIат тIубалеб буго гьеб суал.
Январь 30, 2015
Дагъистаналда кина-кинал хIакимзаби нахъе рехизе рес бугеб?

Божилъи хвеялда бан пачалихъияв хъулухъчи хIалтIудаса вахъулеб къанун буго Россиялда. Гьенир рахъарал къануназда данде ккезе кколелъул Дагъистаналъул къанунги, гьедин бакIалъул парламенталъ 29 январалда тIоцебесеб цIалиялда къабул гьабуна гьеб.
Январь 29, 2015
ГIабдулатIипов гьечIин абун мухбирал инчIеб сессия

29 январалда МахIачхъалаялда тIобитIана республикаялъул Халкъияб Мажлисалъул сессия. Гьениб депутат ХIажимухIамадов ГьитIинамухIамад дандечIун вуго МахIачхъалаялда бугеб бакIал раялъул колледжалъул мина Дагъистаналъул парламенталъе кьеялъул мурадалда аукционалда лъеялда. Депутат Хидировасе къваригIун букIун буго цо хIажатаб проект гьоркьоб лъезе. Амма гьесда Единороссаз гьарун буго спикер Москваялдаса вачIинегIан тейилан.
Январь 28, 2015
Тоннель тун бахъулеб цIияб нух

Гендерил тоннельги жибго тун магIарухъе цIияб нух бахъулеб буго Дагъистаналда. Гьелъие хIалтIизабулеб буго халкъалъ бакIарарб гIарац. ЛъикIаб пикру бугин абун гурони, хIукуматалъул вакилзабаз гьелъие чIванкъотIун гьабураб кумек гьечIо. Амма руго цо-цо дандечIеялги.
Январь 27, 2015
Меликовас ГIабдулатIипов хисизе гьечIо

«Дагъистанин абураб мехалда жинда цебе чIолин чIухIигун бихьинчилъи, амма нужеца хъвараб цIалулеб мехалда жинда цере чIолин къватIул харбал рицунел руччаби»,-ян абуна Дагъистаналъул блогералгун букIараб данделъиялда Сергей Меликовас. Шималияб Кавказалъул федералияб мухъалда президентасул вакил Дагъистаналде вачIун вукIана итни къоялда. Талат къоялда гьев щвана Дербенталде.
Январь 26, 2015
ЦIиял автобусазде кьвагьулебцин буго

ГьанжегIагар МахIачхъалаялде рачIарал чIахIиял хъахIал автобусал хIалтIизе риччазе руго цо чанго къоялдасан. Гьел кьун руго республикаялъул мал-мулклъун кколеб 1736 абулеб автоколоннаялде.
Январь 22, 2015
Дагъистаналъул нухмалъулев разияв гьечIо…

22 январалда Дагъистаналъул нухмалъулев Рамазан ГIабдулатIиповас хитIаб гьабуна Халкъияб мажлисалде. Исана гьабизе кколеб хIалтIуда гъорлъ гьес рехсана Шималияб Кавказалда ругел республикабазулгун гуребги, Казахстан, Азербайжан гIадал пачалихъазулгун гьоркьорлъаби лъикIлъизариги, агропромышленнияб комплекс цебетIезабиги, чорокал хIакимзабаздаса хIукумат бацIцIад гьабиги. Гьев рази гьечIоан МахIачхъалаялъул мэр Сулеймановасдаса, Дагъистаналъул гIалимзабаздаса ва цо-цо диниял вакилзабаздаса.
Январь 20, 2015
Щай грантазе цIибил бижинабулел гурел, визиткаби риччалел мустахIикълъарал?

20 январалда Дагъистаналъул жамгIияб палатаялда букIана республикаялъул нухмалъулесул цIаралда рикьулел грантазул бицараб данделъи.
Январь 19, 2015
Гуржияз дагъистанияв Россиялъухъе кьолев гьечIо

Гуржиялда туснахъ гьавун вугев МикагIил Къадиевасул гIагарлъиялда ракIалда буго гьал къоязда Европаялъул Шураялде хитIаб гьабизе. Россиялъул низам цIунулезе къваригIун буго гьев гуржияз жидехъе кьезе. Амма гуржияз инкар гьабулеб буго. 2009 соналда Дагъистаналъул Хасавюрт мухъалъул нухмалъиялда вукIарав Алхаматов чIваялдехун хурхен бугин Къадиевасулин рикIкIунеб буго Россиялъул низам цIунулез. Гуржиязин абуни гьесде гIайиб гIунтIизабулеб букIана гьезул президентлъун вукIарав Михаил Саакашвилил тIалабалда рекъон хIалтIулев вукIанин гьевилан.
Январь 16, 2015
Дагъистаналда кIиго журналист вухун ва цояв ккун вукIана

РагIуе эркенлъи букIинабиялъул рахъалъ Россиялъул фондалъ гьал къоязда тIиритIизаруна журналистазул хIалтIуе квал-квал гьабиялда хурхарал баянал.
Январь 13, 2015
МахIачхъала. ЦIияб соналъул байрамалда хадуб...

ЦIияб соналъул байрамазда хадуб Дагъистаналъул шагьаразул гIадатияб пейзаж.
Январь 12, 2015
Дербенталъул мэр ана тIадвуссинелъун

12 январалда Дербенталъул мэр Имам Яралиевас тана жиндирго хъулухъ. Гьес гьеб хисана депутатасул мандаталъухъ. Хъулухъалдаса нахъе ана гьеб шагьаралъул депутатазул гIуцIиялъул нухмалъулев Мовсун РахIимовги.
Январь 10, 2015
Мэрас жиндиразде ва жиндирал гурезде бикьараб Дербент

10 январалда Дербенталда букIана шагьаралъул мэр Имам Яралиевасдаса разилъи гьечIолъи бихьизабураб данделъи. Гьезда лъан буго тIасияб болжалалдаги мэрлъун хутIизе Яралиевас цIияб соналда цебесеб къоялъ шагьаралъул къануназулъ хиса-баси гьабун букIин.
Январь 09, 2015
Радуевас Гъизляралде рейд гьабуралдаса 19 сон

9 январалда I9 сон тIубана Дагъистаналъул Гъизляр шагьаралде чачаназул рахъалдаса авлахъалъул командир Салман Радуев кIанцIаралдаса. Цин гьесул къокъа кIанцIана аэродромалде, маххул нухлул вокзалалде, цинги лъимал гьарулеб рокъореги рачIун, гъоркьлъалие восун вукIана лъабазариде гIунтIун чи. Гъоркьлъалие росаразеги цогидазеги къварилъи ккечIого Гъизляралдаса къватIире Радуевасул аскар битIизе квербакъи гьабуна, шагьаралъул гIадамазул пикруялда, кIиго чияс - Гъизляралъул азарханаялъул бетIерав тохтур Саламов АхIмадицаги шагьаралъул телевидениялъул нухмалъулев ГIумаров Камилицаги.
Январь 08, 2015
Азербажаназ Дербенталда митинг хIадурулеб буго

Дербенталда гIумру гьабулел азербайжан миллаталъул чагIазда ракIалда буго гьал къоязда митинг гьабизе. Амма жеги къо чIезабун гьечIо. Гьезул рахIат хвезабун буго кIиго суалалъ: шигIитаз зиярат гьабулеб бакIалда бугеб хоб инжит гьаби ва Дербенталъул юбилеялде хIадурулъулаго азербайжан миллаталъул гIадамаз гIумру гьабулел къватIал къачIазе лезги миллаталъул мэрас инкар гьаби.
Январь 07, 2015
ГIиса авараг гьавураб къо Дагъистаналда

Насранияб диналъул цогидал байрамалго гIадин, ГIиса авараг гьавураб къоги Дагъистаналда гIумру гьабулел насранияз кIодо гьабула аслияб куцалда килисабаздеги хьвадун. Цере килисабазде аслияб куцалда чIахIияб ригьалъул гIадамал хьвадулел рукIун ратани, гьанже гьенире хьвадулел руго 30 сонил ригьалдаса байбихьун гIадамал. Гьелги аслияб куцалда тIубарал хъизанал ккун рачIунел руго. Гьезда гьоркьор рихьулел руго хIатта бусурман диналъул чагIиги. ГIиса авараг гьавураб къоялдехун кинаб бербалагьи бугеб Дагъистаналда?
Январь 06, 2015
ГIабдулатIиповасул кIиго сон: лъикIабги квешабги

Рамазан ГIабдулатIипов Дагъистаналде нухмалъи гьабизе витIаралдаса гьал къоязда тIубана кIиго сон. Гьеб заманалъул хIасил гьабураб ва цо рахъалъул пикру кьураб видео буго anna-news сайталда. Гьелда бицунеб буго ахираб кIиго соналда жаниб Дагъистан биххун иналде ккун бугин. Кинабгойищха гьениб бицухъе квеш бугеб Дагъистаналда ва ГIабдулатIиповасул хIалтIулъ?
Январь 05, 2015
«Кагътил чахъабазе» щолел грантал

Дагъистаналъул фермеразе бергьун руго гIаммаб къадар 67 млн. гъурщиде бахунел грантал. Аслияб куцалда гьеб гIарцухъ разе рагIула фермаби. Амма кванил нигIматал гIезари бигьаяб жо бугин, гIезарурал гьел ричизеги, пуланаб заманаялъ жанир цIунизеги рес гьечIолъиялъ тату хвезабулеб бугин абулеб буго росдал магIишаталда хIалтIулел дагъистаниязул цо къадаралъ. Гьезулго пикруялда, пачалихъалъул кумек росдал магIишаталда хIакъикъаталдаги хIалтIулел гIадамазе гуреб «кагътил чахъаби» ругезе щолеб буго.
Январь 02, 2015
ЛДПР-алъул депутат вухарал дагъистаниязе диван

Гъоркьисала риидал ЛДПРалъул депутат Худяков вухарал дагъистаниязе диван гьабизе буго гьанжегIагар Москваялъул Дорогомиловский мухъалъул диваналда.

Загрузить еще

XS

SM

MD

LG