Рубрики

Новость часа

Зульфия ХIажиева

Автор Зульфия ХIажиева

Октябрь 17, 2014
Хайир балъго гьабулеб буго

МахIачхъалаялъул прокуратураялъ Дагъистаналъул жанисел ишазул министрасухъе гIарза хъван буго нухазда транспорталда хадуб халкколеб полициялъул 21 хIалтIухъанасда тIасан.
Октябрь 16, 2014
Къурбан Къурбанов нахъе витIана

16 октябралда МахIачхъалаялъул Советский мухъалъул диваналъ хIукму гьабуна Дербент мухъалъул нухмалъулев Къурбан Къурбанов хIалтIудаса нахъе рехизе. Диваналде гьеб гIарза битIун букIана цIех-рехчагIаз.
Октябрь 14, 2014
Гъизляралда анкьго чи туснахъ гьавуна

Гъизляралъул базаралда кьвагьа-гIанхъи гьабиялда щаклъи бугев анкьго чи ккун вугин лъазабуна низам цIунулез – анкьго чи. Низам цIунулезул баяназда рекъон, гьезда гьоркьов рагIула гьеб базаралъул администраторги (26 сон барав гIолохъанчи).
Октябрь 10, 2014
Гуржиялъе нух лъие бокьун гьечIеб?

ГьанжегIагар жиндие жаваб кьечIони, жинца Дагъистаналъул бетIер Рамазан ГIабдулатIиповасда тIасан диваналде гIарза хъвалин бицана ЭР-ялъе БежтIаса жамгIияв хIаракатчи Къебедов МухIамадица.
Октябрь 08, 2014
Авар-Кахетиялъул нух бахъиялдаги ХIебда чIвараздаги гьоркьоб хурхен букIине бегьула

7 октябралъул къаси Шамил мухъалъул ХIебда росулъ чIван руго лъабгоял. Низам цIунулезул баяназда рекъон, бечедал чагIазда тIад магъало лъеялда бан, гьединго экстремизмалда дандечIей загьир гьабулев вукIарав кIиго дагъистанияв чIваялда бан федералияб цIех-рехалде кьун рукIун руго гьел.
Октябрь 04, 2014
Дагъистаналда истихар

Исламалъ ритIухъ гьабулеб къагIидайин абун ригьналги даран-базарги истихаралда рекъон гьарулеб гIадат баккун буго ахирал соназда Дагъистаналда.
Октябрь 01, 2014
5 октябралдаги тоннель рагьиялда божулел гьечIо бакIалъул гIадамал

5 октябралда рагьулин 18 сентябралда къараб гендерил тоннелин абураб лъазаби тIибитIизабун буго интернеталда терроралда данде чIараб миллияб комитеталъул рахъалдасан.
Сентябрь 29, 2014
Путиниде Временный росдал гIарз

Унсоколо мухъалъул Временный росулъа гIадамаз хитIаб гьабулеб буго Россиялъул президент Владимир Путинихъе. Гьез гьарулеб буго аскариязул зулмуялдаса хвасар гьарейин. ЭР-ялъ цебеккун бицун букIахъе, анкьидаса цIикIкIун мех буго аскарияз гьеб сверун ккуралдаса. Гьезул щаклъи буго гьенир жанир изну гьечIого яргъид гIуцIарал гIадамал рахчун рукIиналда ва бакIалъул гIадамаз гьеб балъго гьабулеб букIиналда.
Сентябрь 27, 2014
Щиб къваригIун бугеб дагъистаналъул "справедливороссазе"?

27 сентябралда МахIачхъалаялде данделъун рукIана «Справедливая Россия» партиялъул вакилзаби.
Сентябрь 26, 2014
Ккурасде "балъгояб" гIайиб гIунтIизабулеб буго полициялъ

26 сентябралда Гъизилюрталда полициялъул минаялда аскIоре ракIарун рукIана Сахратула МухIамадовасул гIагарлъи. Гьез тIалаб гьабулеб букIана цебесеб къоялъул къаси викъун арав жидер вас кив вугевали жидеда лъазабеян.
Сентябрь 25, 2014
Временноеялъулал: "Ниж гъоркьлъалие росунищ ругел?"

Низам цIунулез Временный росу сверун ккуралдаса чанго къо буго. Гьез гьенир чIухь балеб, ва щивав чи сияхIалде восулев вуго. Гьедин низам цIунулез хъвай-хъвагIай гьабизе ахIун арав МухIамадзагьидги, Султанги, МуртазагIалиги, ХIажиги ругеб бакI лъалеб гьечIо росдал гIадамазда. Цин рачун ун рукIун руго гьезул эбел-эмен, гьел риччан руго. БакIалъулал гIадамаз гIарз гьабулеб буго, жал хутIун ругин гъоркьлъалие росарал гIадинин.
Сентябрь 24, 2014
Кадразул политика: 18-абилев министр

ЦIи гIуцIараб министерлъиялъул нухмалъулевлъун тун вуго гьанжелъагIанги гьебго хъулухъалъул нухмалъиялда ввукIарав Нариман ГъазимухIамадов.
Сентябрь 22, 2014
Рихьдаего гьабулеб гIадинаб диван

ЦIех-рехалъул идарабазул хIалтIуда разияй гьечIо адвокат МухIамадова Сапият. Гьелъул клиентазул цояв НурмухIамадов Шамилил, гьелъул пикруялда, гьев жанив тIамунго вуго цоги чиясул бакIалда. Гьанже Хасавюрталъул диваналъ гьесда сверун гьабураб хIукмуялъул цIидасан хал гьабизе буго Дагъистаналъул ТIадегIанаб Диваналъ. Гьев Шамалда вагъулев вукIиналъул гIайиб гIунтIизабун анлъго соналъ жанив тIамун вуго.
Сентябрь 20, 2014
Дагъистаналъул бицунеб гьечIо тарихалъул тахьазда

Пачалихъияб Думаялъ суал лъун буго тарихалъул рахъалъ цIалул цогояб тIехь бахъизе.
Сентябрь 18, 2014
Дербент мухъалъул бетIерасде кIвар буссинабуна прокуратураялъ

Дагъистаналъул прокуратураялъ байбихьана Дербент мухъалъул нухмалъулев Къурбан Къурбановасда сверухъ цIех-рехалъул хIалтIи. Низам цIунулезул щаклъи буго гьес жиндирго хъулухъалдаса цIикIкIун пайда босун букIин.
Сентябрь 17, 2014
Дагъистаналъул бетIерас пресс-конференция кьуна Москваялда

Рамазан ГIабдулатIиповас федералиял ва къватIисел пачалихъаздаса журналистазе Москваялда кьураб пресс-конференциялда бицана Дагъистан социалиябгун экономикияб рахъалъ кин цебетIолеб бугебалиги, Каспиялъул рагIаллъуда бугеб регион хIисабалда, гьениб хIинкъи гьечIолъи чIезабиялъулги Россиялъул регионалгун Дагъистан цадахъ рекъон хIалтIиялъулги.
Сентябрь 16, 2014
БакIалъулал нухмалъулел рищизе руго депутатаз

16 сентябралда тIобитIараб Халкъияб Мажлисалъул сессиялда къабул гьабуна муниципалиял гIуцIабазул нухмалъулел халкъалъ гурел, депутатаз рищиялда хурхун бахъараб къанун.
Сентябрь 15, 2014
«Кавказалъул бициналде, цин Кавказ лъазабе!»

14 сентябралда МахIачхъалаялда байбихьана «Россиялъул Кавказ» абураб политологиялъул форум. Кавказалъул рахъалъан батIи-батIиял экспертаз бихьизабулел рукIунин кин регионалда парахалъи чIезабизе кколебали, кин гIадамазул рукIа-рахъин гIуцIизе кколебали. Амма гьел ругин щвалде щун Кавказги лъаларел, цо нухалъгIагицин гьениреги щвечIел чагIиян абураб пикру загьир гьабун буго данделъиялда.
Сентябрь 11, 2014
ГьоцIдерица сангар къан буго

11 сентябралда ГьоцIалъ лъел электростанция балеб бакIалда лъураб сангарги ккун чIана гьоцIдерил гIадамал.
Сентябрь 10, 2014
Дагъистаналда халкъалъул ихтияр депутатазухъе кьуна

Гьанжеялдаса хадур муниципалиял гIуцIабазул нухмалъулел халкъалъ гурел, депутатаз рищизе руго. Гьединаб хIукму гьабуна 10 сентябралда Дагъистаналъул Халкъияб Мажлисалъ тIобитIараб сессиялда.

Загрузить еще

XS

SM

MD

LG