Рубрики

Новость часа

Зульфия ХIажиева

Автор Зульфия ХIажиева

Март 02, 2015
Немцовасул хвел дагъистанияз кIвар кьечIого тана

Оппозицияв политик Борис Немцов чIвараб къоялъ Дагъистаналда «Яблоко» партиялъ хасаб лъазаби гьабун гурони, республикаялда цогидал партияз яги инсанасул ихтиярал цIунулез, ялъуни тIадчагIаз – лъицаниги жидерго пикру загьир гьабичIо.
Февраль 28, 2015
«Багьараб» бюджеталда «рукъи» кин балеб?

Дагьаб цебегIан Россиялъул премьер Дмитрий Медведевас лъазабун букIана гIарацI тIокIгьабизелъун улкаялъул жанисел ишазул министерлъиялъул яги хIалтIухъабазул къадар дагь гьабизе кколин яги гьезул харжал дагь гьаризе кколин. Цо-цо баяназда рекъон, гьеб масъала рагIалде бахъинабизелъун хъулухъаздаса эркен гьаризе рагIала жанисел ишазул министерлъиялъулги изну гьечIого наркотикал рича-хисиялда хадуб халкколеб Пачалихъияб БутIаялъулги хIалтIухъаби. Амма гьел тадбираз бюджеталъе ва гьединго Россиялда жаниб бугеб кризис лъугьиналъе квербакъуларин рикIкIунеб буго экспертаз.
Февраль 26, 2015
9 млн. гъурщил пасалъи гьабун буго бюджеталъе

26 февралалда тIобитIана Дагъистаналъул Халкъияб мажлисалъул иргадулаб сессия. Гьениб спикер ШихсагIидовас какана араб анкьалда «Справеливая Россия» партиялъул дагъистаналда бугеб бутIаялъул цевехъан ХIажимурад ГIумаров вухарал чагIиги, "Патриоты России" партиялъул вакилас абуни гьениб ахIи балеб букIана лезги миллаталъул хIакимзаби цIунизе ккеялде. ХIисаб кьолеб палатаялъул нухмалъулес бицана республикаялъул хIакимзабаз бикъулеб гIарцулги.
Февраль 25, 2015
Лъицаха вухарав ХIажимурад?

25 февралалда МахIачхъалаялда тIобитIараб «Справедливая Россия» партиялъул данделъиялда гьоркьоб лъун букIана 21 февралда вухарав жидер цевехъан ХIажимурад ГIумаровасул суал. Гьелъие гIайибиязе тамихI гьабичIони, Москваялдеги ун ракъи лъазабизехъин буго гьез. ЭР-ялъ цебехун бицухъе, «справедливороссаз» гIайиб гIунтIизабулеб буго Дагъистаналъул бетIерасул сверухълъиялде.
Февраль 23, 2015
Нухмалъиялда тIадаб буго ГIумаров вухиялъе къиматги кьезе

Жив вухиялъул гIайиб Дагъистаналуъл нухмалъулесул хъаравуллъиялде гIунтIизабулеб буго ХIажимурад ГIумаровас. «Справедливая Россия» партиялъул Дагъистаналда бугеб бутIаялъул нухмалъулев вухун вукIана араб шамат къоялъ. Амма лъица гьабун батаниги, гьеб рсепубликаялъул бетIерасул хъваравулаз гуреб, гьесул тушбабаз гьабураб иш бугин абураб пикруги буго.
Февраль 21, 2015
Заманалъул бергІеличІал: «Книготоргалъул» бакIалда «Барашка»

Исанасеб сон Россиялда литератураялъул сонлъун лъазабиялда бан, 20 февралалда МахIачхъалаялда ГIурус театралде данделъун рукIана хъвадарулел чагIиги, республикаялъул нухмалъулелги, гьалбалги, цогидалги.
Февраль 20, 2015
Медиарейтингалда Дагъистаналъул бетIерасул цIар тIаде ун буго

Россиялъул губернаторазул медиарейтингалда Дагъистаналъул бетIер Рамазан ГIабдулатIипов 12 абилеб бакIалда вуго. Гьелда цебехун гъоркьисала риидал гьабураб рейтингалда гьев 15 абилеб бакIалда вукIана.
Февраль 18, 2015
Балахьуниса чи тIагIун вуго

Унсоколо мухъалъул Балахьуниса ГIадалав ИсхIакъов абулев гIолохъанчи тIагIун вуго.
Февраль 17, 2015
Азербайжаналъул консуллъи рагьизе рагIула Дагъистаналда

Дербенталда Азербайжаналъул консуллъи рагьизе бугилан лъазабуна гьал къоязда Дагъистаналъул бетIер Рамазан ГIабдулатIиповас гIорхъаби цIунулезулгун букIараб дандчIваялда. Гьелъ бигьалъи гьабизе бугин кIиябго рахъалде хьвадулел чагIазеян абуна гьес.
Февраль 16, 2015
5300 хIалтIухъанасе харж щун гьечIо февралалда

Пачалихъияб Статистикаялъул официалияб сайталда кьурал баяназда рекъон, февраль моцIалде щвезегIанги харжал щун гьечIо Дагъистаналда щуазаралда лъабнусидаса цIикIкIун чиясе.
Февраль 15, 2015
Дагъистаналда "афгъаналъулал" рикьун руго

15 февралалда 26 сон тIубана Афгъанистаналдаса советиял аскарал нахъе рачаралдаса. Амма гьеб къо ракIалде щвезабун МахIачхъалаялда афгъаналъулазул ахикь тIобитIулеб данделъиялде киналго афгъаналъулал гуро рачIарал.
Февраль 14, 2015
Дербент: РахIимов хисун - РахIимов

Официалиял гурел баяназда рекъон, 14 февралалда Дербент шагьаралъул администрациялъул бетIерасул ишал тIуразе тIадкъан буго Азади РахIимовасда. Гьеб мурадалъ шагьаралде вачIун вукIун вуго Дагъистаналъул бетIер Рамазан ГIабдулатIиповги. Цин Азади РахIимов восун вуго Дербент шагьаралъул администрациялъул бетIер хисулев СултIановги нахъе витIун эркенлъараб бакIалде. Цинги, гьебго къоялъ, иш ккун буго заманаялъ администрациялъул бетIерасул ишал тIуразарулев Мовсум РахIимов хIухьбахъиялде иналде. Документазда рекъон, гьев хIухьбахъиялде ине вуго итни къоялъ,16 февралада. Гьедин Дербенталъул администрациялъе бетIерлъи гьабизе тIадкъан буго экс-министр Азади РахIимовасда.
Февраль 13, 2015
ВатIаналъул цояб квералъ кьурал шапакъатал цогиялъ рахъана

Исана 15 февралалда тIубала 26 сон Афгъанистаналдаса советиял аскарал нахъе рачаралдаса. Амма гьенир гIахьаллъарал цо-цоял жегиги къеркьолел ругин абизе бегьула, цоял унтабигун, цогиял социалиял проблемабигун. Вуго гьезда гьоркьов жиндир интернационалияб борч тIубалаго щварал пачалихъиял шапакъатал ракълилаб заманаялда низам цIунулез рахъун арав чиги. Гьев ккола Унсоколо мухъалъул Майданское-Зирани росулъа МухIамадгIалиев ХIасан. Гьесул рокъоса гьел шапакъатал ун руго 2014 соналъул июлалда росулъ хасаб операция тIобитIулаго.
Февраль 11, 2015
Кин лъазе бугеб чи ИГИЛалда вагъаравищали?

Унсоколо мухъалъул ХарачIиса МухIамадов ХIажи туснахъ гьавун вуго Шамалда ИГИЛалъул рахъалда вагъулев вукIанилан. Ункъо моцIалъ цеве гьев ккуна Москваялъул аэропорталда.
Февраль 10, 2015
Дербенталъул мэрлъун экс-министр тезеги рес буго

9 яги 10 февралалда Дербенталде шагьаралъул администрациялъул бетIерлъун Азади РахIимов вачIиналъул бицен букIана. Амма щаяли вачIинчIо.
Февраль 10, 2015
БухIулищ полициязги габани?

Дагъистаналъул полициялъулазухъ наркотикал ратиялда щаклъи буго хъулухъ гьабизе Дагъистаналде рачIарал Россиялдаса низам цIунулезул.
Февраль 07, 2015
Имам Шамиль: щиб хIакъикъат, щиб гьереси?

4 февралалда I44 сон тIубана имам Шамил гIумруялдаса ватIалъаралдаса. Гьелда бан гьал къоязда Шамилхъалаялде ракIарун рукIана имамасул ракьцоялги, тарихчагIиги, жамгIиял хIаракатчагIиги, цогидалги. БатIи-батIияб заманалда имам Шамилие кьолеб букIана батIи-батIияб къимат. Советияб заманалда гьев «гьавулев» вукIана ингисазул жасуслъун. БукIаниги жибго совет хIукуматалъул нухмалъиялъул пикру лъикIаб букIана.
Февраль 06, 2015
Миллатазул гьоркьорлъабазда гъоркь лъураб "мИна" кьвагьиялъул хIинкъи цIикIкIунеб буго

Казбек мухъалъул лъабго росдал хъутабазул ракьул 920 гектаралда дагIба балеб буго Бабаюрт мухъалъул лъарагIаз. Гьел кьвагьдон чи сакъатлъараб, гьединго казбеказ бецараб хер лъарагIаз бухIарал хIужаби ккун руго гьенир.
Февраль 05, 2015
Майданское росулъе низам цIунулел рачIун руго

4-5 февралалда Унсоколо мухъалъул Майданское росулъе рачIун руго низам цIунулел. Гьанжеги лъацаниги лъазабулеб гьечIо, унеб бугищ гьениб антитеррористияб операця яги гьечIищ. Амма ЭР-ялъе гьеб хIужа тасдикъ гьабулеб буго Майданское росулъа ГIали АсхIабовас.
Февраль 05, 2015
Имам Шамилил мемориал къачIана

Гьаб видео бахъана 4 февралалда МахIачхъалаялда имам Шамилил къватIалъул байбихьуда бугеб мемориал къачIалеб мехалда. Гьебго къоялда хIалтIи рагIалде бахъана. Гьеб кколин Москваялдаса блогер Илья Варламовас МахIачхъала какиялъул хIасилин, рикIкIунеб буго социалиял интернет-сурсатаздаса пайда босулез

Загрузить еще

XS

SM

MD

LG