КIиабилеб къо буго Дагъистаналда предпринимателазулгун бизнесчагIазул форум унеб. Гьедин тIоцебесеб къоялъ къотIи-къай гьабун буго ГIахъуша, Табасаран ва Дахадаев мухъазда инвестораз гьаризесел хIалтIабазда хурхарал, 48 млн гъурщил багьаял проектазе.
21 ноябралда МахIачхъалаялда байбихьана предпринимателазулгун бизнесчагIазул форум. Гьенире рачIун руго Россиялдасаги гьеб тун къватIисаги бизнесчагIи.
Дагъистаналъул журналист АхIмаднабиев АхIмаднабиев чIварал чагIи ралагьиялъул тIалаб лъолеб буго дунялалъул 17 улкаялдаса инсанасул ихтиярал цIунулел гIуцIабаз Россиялъул цIех-рехалъул комитеталда цебе.
17 ноябралдаса байбихьун жал ракъун чIезе ругин лъазабун букIана Унсоколо мухъалъул Временное росдал гIадамаз. Амма гьезул хIукму хисана.
Политикияб партиялъул вакилзабазда хадубго, лъарагI миллаталъул вакилзабазги байбихьана ракъун чIезе. Гьез тIалаб гьабулеб буго жидер ракьалдаса тумал нахъе аян. Советияб заманалда Гьоркьохъеб Азиялде чачаналги гочинарун эркенлъарал ракьазде рахъинарун рукIана гьел.
10 ноябралда МахIачхъалаялъул Ленинский мухъалъул диваналда дагIба ккун буго Мурад ШугIайбовгун ГIиса ГIабдурахIмановасда ва прокурорасда гьоркьоб. Прокурорас рогьрал ран, гьел кIиязго лъазабуна жидеца инкар гьабулеб бугин диванчиясдасаги прокурорасдасаги. Амма кигIан инкар гьабулеб букIаниги, гьезие гьел хисичIо.
МахIачхъалаялъул экс-мэр СагIид Амиров туснахъалдайищ телев, яги эркенищ гьавилевали хIукму гьабизе буго инсанасул ихтиярал цIуниялъул рахъалъ гIуцIараб Европаялъул Диваналъ. Гьесда хурхун хъвараб гIарзаялъул хал гьабизе буго 27 ноябралда.
8 ноябралда Шамил мухъалъул росабалъ низам цIунулез ралагьулел рукIана экстремизмалдехун бухьен бугел гIадамал. Гьединго жий йикъизе хIалбихьанин МахIачхъалаялда низам цIунулезин лъазабулеб буго инсанасул ихтиярал цIунулей Альбина МухIамадовалъ.
МахIачхъала шагьар гIуцIаралдаса 170 сон тIубаялде ракIалде щвеялъул гамачI лъуна республикаялъулги тахшагьаралъулги нухмалъиялъ. Амма гьениб шагьар жеги цебехунги букIанин, гьеб бугин гIурусазул хан Петр ТIоцесев гьениве вачIиндал ургъараб тарихилан рикIкIунеб буго цо-цо дагъистанияз. Гьел мекъи ругин, гьанжесеб МахIачхъала букIараб ракьалда магIарулги цогидалги нуцалзабазул гIиял хьихьулеб бакI букIун буго.
Унсоколо мухъалъул Генуб росдал сверухълъиялда лъел электростанциялъул минаялда гIагарлъухъ букIараб тукенги кафеги кьвагьизабун буго низам цIунулез 3 ноябралда. Гьедин гьеб мухъалда аскарияз кьвагьизе аги риххизе гьарурал рукъзазул къадар бахун буго 14-ялде. Генубги гьелда гIагарлъухъ бугеб Временный абулеб росулъги жеги халат бахъунеб буго сентябрь моцIалдаго байбихьараб контртеррористияб операциялъул низам.
ТIасияб соналдаса байбихьун Дагъистаналъул тахшагьаралъул лъабабго мухъ - лъугьинехъин руго жидерго бюджетги къануналги ругел, жалго жидеда чIарал муниципалитеталлъун. Гьединаб къануналъул проект къабул гьабуна гьал къоязда МахIачхъалаялда тIобитIараб республикаялъул парламенталъул сессиялда.
30 октябралда тIобитIараб Халкъияб Мажлисалъул сессиялда республикаялъул прокурор Шанавазовас нахъчIвана Дагъистаналъул нухмалъулев Рамазан ГIабдулатIиповас депутатаз цебе лъураб къануналъул проект.
29 октябралда Дагъистаналъул «справедливороссаз» хIукму гьабуна ракъун чIезе. Гьел рази гьечIо гьабсагIаталда республикаялда бугеб нухмалъиялъ билълъанхъизабулеб политикаялдаса. Ракъун чIаразул 10 чи вуго.
28 октябралда Дагъистаналъул ТIадегIанаб диваналда хал гьабуна Хасавюрталдаса ХIусен СултанахIмадовасда хурхараб ишалъул. Хадубккунги гьев туснахъалдайищ телев, ялъуни къватIивейищ виччалевали бицана гьениб. СултанахIмадов жанив тIамун вуго лъагIелги ункъго моцIалъги. Гьес щуго сон барай яс инжит гьайиялда щаклъи ккун буго низам цIунулезул.
ЦIумада мухъалъул РичIагьани росулъе жеги нух бахъун гьечIо, гьединго къотIун буго канлъиги, газги. Гьениб ракь ччукIун бачIун букIана 25 октябралъул радакье.
19 октябралда гIумруялдаса ватIалъана Дагъистаналъул халкъияв поэт ГIабасил МахIамад.
«ГIагарал мугIрул» абураб фондалъул нухмалъулев ХIажимурад МуртазагIалиевас хитIаб гьабулеб буго Дагъистаналъул нухмалъиялдеги, олигархаздеги, депутатаздеги, рагъулал хъулухъчагIаздеги.
Росреестралъул рахъалъ Дагъистаналда бугеб БутIаялъул нухмалъулесул ишал тIуразе тIадкъан буго Булат Ризвановасда. Гьесде щвезегIан гьеб хъулухъалда вукIана политик ХIажи МахIачевасул дурц. Цо-цо баяназда рекъон, гьеб хъулухъ кьезехъин буго Хасавюрталъул мэр Сайгидпаша ГIумахановасе.
Дагъистаналда гIуцIун буго энергетикаялъул агентлъи. Гьелъул нухмалъулевлъунги тун вуго цевеги гIезегIан мехалъ гьеб системаялда хIалтIарав МуртазагIали ГьитIинасулов.
КватIичIого басмаялда бахъизе буго цересел гIасрабазда Гуржиялъе чабхъад рахъунел рукIарал дагъистаниязул хIакъалъулъ гуржияз хъвараб гIелмияб макъала. Гьелъул авторал ккола Кавказ лъазабиялъул рахъалъ Тбилисиялъул пачалихъияб университеталда цебе рагьараб институталъул директор Цира Барамидзеги гьелъул бетIергьанчи, гьебго институталъул профессор Сардион Зеделашвилиги.
Загрузить еще
